ஓவியம் : கணேஷ் பைன்
கருப்பு வெள்ளைப் புகைப்படம்
பழுப்பேறி
திட்டுத் திட்டாய் புள்ளிகள்
திரைச்சீலையில் அலங்கார வளைவு
நீள்மேசையில் காகிதப்பூ
படியவாரிய தலை
முழுக்கை சட்டை பேண்ட்
ஹெச்எம்டி கைக்கடிகாரம் தெரிய முன் கைகள் கட்டி
நின்றிருந்தார் அப்பா
கால் மேலிட்டு
சகல செளபாக்கிய நகைகளையும் அணிந்து
அமர்ந்திருந்திருந்த அம்மா
வண்ணமாயிருந்தார்
அப்பாவின் உடல் கிடத்தப்பட்ட நாளில் கண்ட வண்ணமது
***
வேல்கண்ணன் – இசைக்காத இசை குறிப்பு, பாம்புகள் மேயும் கனவு நிலம் தொகுப்புகளின் ஆசிரியர். திருவண்ணாமலையைச் சேர்ந்தவர் தற்போது பணி நிமித்தம் சென்னையில் வசிக்கிறார்.
