முதலைகளிடம் ஒப்பந்தம்
எனது முதுகெலும்பிலிருந்து
இதயத் துண்டுகளை
எடுத்தார்கள்
வஞ்சகப் படிமர்கள் குத்தியதில்
சிதறியவை என்றேன்
எதிர்பார்ப்புகளால் உடைந்திருந்த
மூக்கெலும்பு சிலுவையின் வடிவம்
பெற்றிருந்தது
குயிலின் கூட்டை மனமென
வைத்திருக்கிறேன்
அதில் குரலிழந்த
குயில்கள் சப்தமிட்டபடி..
அரையணா உயிரை
கடன் வாங்குபவர்கள்
வட்டியும் கேட்பதுண்டு
வயிற்றுக்குள் நுழைந்து
சோறு திருடுபவர்களை
செரிக்கத் தெரியவில்லை
இப்பொழுது கூட
எனக்கு சிலை வைக்கவேண்டும்
என்று உடலை கழற்றுகிறார்கள்
சும்மா பார்த்துக் கொண்டிருக்கின்றேன்
***
விபீஷணன்.
